И тоа каква “бомба“ од Германија. Поранешниот менаџер на Ливерпул, Јирген Клоп, сериозно размислува да ја продолжи тренерската кариера и е сосема реална опција за нов тренер на Реал Мадрид, објавува авторитетниот германски новинар Флоријан Плетенберг.
Клоп беше едно од главните имиња што веднаш се појавија во печатот по изненадувачкото отпуштање на Чаби Алонсо во понеделник, но потоа Клоп се дистанцира од таква можност. Сепак, Плетенберг тврди дека сегашниот спортски директор за фудбалски прашања во концернот Ред Бул, сериозно размислува да се врати на тренерската клупа и има најмалку два проекта што сериозно би го привлекле вниманието на тренерот – имено работата на Сантијаго Бернабеу и позицијата во германската репрезентација, која моментално ја зазема Јулијан Нагелсман, но ова би можело да се промени на лето по Светското првенство во 2026 година.
Според различни извештаи, Клоп, кој направи пауза од тренерската работа во летото 2024 година, е подготвен да слушне разни понуди во наредните месеци и би можел да се врати во професијата доколку се појави навистина соодветна понуда што доволно го искушува.
Извор: vecer.mk
