Бојкот на продавниците и трговијата ширум земјите од поранешна Југославија. Граѓаните во борба со високите цени. Иницијативата која почна во Хрватска, за брзо време се прелеа и во Србија, Босна и Херцеговина, Црна Гора и Словенија.
Хрватската платформа „Ало инспекторе“ ги повика граѓаните воопшто да не пазарат – да се бојкотираат и платежните трансакции, угостителските услуги, сместувањето, превозот, доставата. Одзивот е голем, а супермаркетите и продавниците ширум земјата, од утрово празни.
„Не одам во продавница, го поддржувам бојкотот. Се надевам дека ќе успее бидејќи на граѓаните им дојде преку глава.“
„Нормално дека го поддржувам бојкотот. Не може цело време да не крадат. “
„Ова повеќе не може да се издржи.“
Празни маркети и трговски центри и во Црна Гора. Невладините организации повикаа на блокада на сите големи продавници, без исклучок, и порачаа дека тоа нема врска со политика, туку дека високите цени подеднакво ги погодуваат сите граѓани.
„Сакаме да испратиме една опомена и порака до сопствениците на маркетите, до луѓето кои веќе со години наназад не крадат, дека Црна Гора може да биде обединета и дека гласот на обичниот граѓанин конечно мора да се слушне.“ – Зарија Павичевиќ претседател на Алтернатива Црна Гора.
За разлика од Хрватска и Црна Гора, послаб одзив има во Босна и Херцеговина. Освен за продавниците, повикот за бојкот се однесуваше и на пекарите, бензински пумпи и угостителски објекти нио според босанските медиуми, продавниците во поголемите градови работеле вообичаено. Сепак и малиот одзив ја принуди владата веќе во понеделник да се сретне со трговците и да раазговара за намалување на цените.
Бојкот на трговијата има и во соседна Србија. Граѓаните реагираат и прашуваат, како е можно домашните производи да се поскапи во Србија отколку во соседните земји.
„Имаме највисоки цени, а пазарот е далеку од регулиран како во Словенија. Ова не е фер за земја со шест и пол до седум милиони жители. Мора да се бориме на овој начин, бидејќи немаме други средства освен бојкот.“ – Јован Ристиќ.
Минатиот петок, во Хрватска се случи првиот еднодневен бојкот на продавниците поради високите цени, поддржан од здруженијата на потрошувачи, синдикатите и дел од политичките партии. Според податоците на даночната управа, бројот на издадени фактури во малопродажбата бил за 44% помал од претходната недела, а износот на фактурата е намален за дури 53%. Во трговијата на мало била продадена роба во вредност од 28 милиони евра.
Извор: 24vesti.mk
