Сега мораше да ја брани Москва од платеник кој самиот го создаде, изјави Блинкен
Американскиот државен секретар Ентони Блинкен оцени дека бунтот на приватната платеничка група „Вагнер“ и нејзиниот сопственик Евгениј Пригожин „е директен предизвик за авторитетот на Путин, кој до пред неколку месеци беше на прагот на Киев, а сега мораше да ја брани Москва“.
„Ако го ставите тоа во контекст пред 16 месеци, Путин беше на прагот на Киев, Украина, сакајќи да го земе градот за неколку дена и да ја избрише земјата од мапата. Сега мораше да ја брани Москва од платеник кој самиот го создаде“,
изјави Блинкен за Си-би-ес, пренесува Радио Слободна Европа.
Според Блинкен, одлуката на Путин да ја нападне Украина создаде хаос во неговата земја.
Бунтот покренува длабоки прашања, покажува вистински пукнатини, смета Блинкен и наведува дека е премногу рано да се каже каква иднина ќе имаат платениците кои се побунија.
Извор: 360stepeni.mk
