Блинкен: Да се усвојат мерки за деескалација и да запре израелско-палестинското насилство

January 31, 2023
1 min read

Американскиот државен секретар Ентони Блинкен изјави дека е „тажен“ поради смртта на „невините Палестинци“ во израелско-палестинското насилство, за време на средбата со палестинскиот претседател Махмуд Абас на окупираниот Западен Брег.

„Дозволете ми на почетокот да изразам сочувство и тага за смртта на невините палестински цивили кои ги загубија животите во ескалацијата на насилството во последната година“, рече тој во седиштето на палестинската управа во Рамала на Западниот Брег, палестинска територија окупирана од Израел во 1967 година.

Во израелско-палестинските конфликти во 2022 година загинаа 235 лица, меѓу кои речиси 90 отсто се Палестинци, покажува статистиката на француската новинска агенција врз основа на официјални израелски и палестински извори. ОН процениле дека минатата година бројот на жртви на Западниот Брег бил најголем од 2005 година.

Израел во некои случаи призна дека неговите сили по грешка убиле цивили во, како што ги нарекува, „контратерористички“ рации.

„Палестинците и Израелците имаат зголемено чувство на несигурност, стравот се шири се повеќе и повеќе во нивните заедници и во нивните места за богослужба“, реагираше Блинкен во Рамала.

„Сметаме дека е важно да се усвојат мерки за деескалација, да се запре насилството и да се намали тензијата (…)“, додаде тој, повикувајќи да не се направи ништо што може да го загрози решението во форма на две држави, израелска и палестинска.

Тој ги спомна „проширувањето на (израелските) населби, легализацијата на илегалните населби (што владата не го одобри), уривањето и иселувањето“ извршени од израелските влади.

Блинкен, исто така, рече дека жали што „хоризонтот на надеж за Палестинците се стеснува. И тоа, мислиме, мора да се промени“.

Патувањето на шефот на американската дипломатија, кое долго време беше планирано, започна во неделата во Египет, а завршува денеска навечер.

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

САД сакаат да спречат Косово да влезе во Советот на Европа додека не го смени ставот за Заедницата на српските општини

Следно

Мицкоски: Додека Ковачевски трча по Бугарија, а Ахмети си потпевнува, на народот му се плаче- ќе дојде часот кога ќе одговарате!

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop