Коосновачот на „Мајкрософт“, Бил Гејтс, ѝ испратил речиси осум милијарди американски долари на поранешната сопруга Мелинда Френч Гејтс за добротворни цели, со што нејзината фондација стана една од најголемите непрофитни организации во светот, објави Блумберг.
Двојката го објави разводот во мај 2021 година по 27 години брак. Потоа ја прекинаа својата филантропска работа, а Френч Гејтс во мај 2024 година објави дека ќе се повлече од функцијата копретседател на Фондацијата Гејтс. Од 2000 година, Фондацијата Гејтс потрошила 53,8 милијарди долари за здравство, родова еднаквост, глобален развој и образование, според нејзината веб-страница.
„Со напуштање на фондацијата, ќе имам дополнителни 12,5 милијарди долари“
Кога Френч Гејтс ја објави својата оставка, таа напиша на мрежата X: „Според условите на мојот договор со Бил, со напуштање на фондацијата ќе имам дополнителни 12,5 милијарди долари за да ги посветам на мојата работа во име на жените и семејствата“.
Според извештаите, поголемиот дел од тие пари биле дадени на Фондацијата „Пивотал филантропис“, непрофитна организација основана во 2022 година како дел од пошироката група „Пивотал“, која Френч Гејтс ја основал во 2015 година за „да го забрза темпото на општествениот напредок за жените и младите во САД и низ целиот свет“, според нејзината веб-страница.
Извор: vecer.mk
