ДОБОЈ (АА) – Милорад Додик денеска едногласно е реизбран за претседател на Сојузот на независни социјалдемократи (СНСД) на седмото Собрание на партијата одржано во Добој, јавува Анадолу.
Додик, кој немаше противкандидат, го поддржаа 937 делегати кои учествуваа во работата на Собранието и го избраа претседателот на партијата.
Милорад Додик, кој е актуелен претседател на босанскохерцеговскиот ентитет Република Српска (РС), им се заблагодари на сите делегати кои му дадоа поддршка со пораката дека му дале „сила да продолжи да се бори за РС.“
Собранието на СНСД избра и нов Главен комитет на партијата од 410 членови.
На Собранието едногласно е усвоен и Статутот на партијата кој содржи одредени новости кога е во прашање организацијата и зајакнувањето на довербата на членството во партијата и нејзините определби.
На Собранието на СНСД во Добој присуствуваа над 2.000 гости, симпатизери на партијата и други високи претставници од Босна и Херцеговина и други земји.
