Белата куќа: Бајден не знаел дека во неговата куќа има доверливи документи

Бајден не знаел што има во тие доверливи документи, соопшти Белата куќа, откако Мерик Гарланд, државен обвинител на САД, го објави назначувањето на специјален обвинител кој ќе го истражи ракувањето на Бајден со доверливите владини документи

Откако Мерик Гарланд, американскиот државен обвинител, објави назначување на специјален советник кој ќе го истражи начинот на кој Џозеф Бајден постапувал со доверливите владини документи, Белата куќа соопшти дека претседателот не знаел што има во тие доверливи документи.

„Американскиот претседател Џозеф Бајден не знаел дека доверливите документи од неговите потпретседателски денови се наоѓаат во канцеларијата на неговиот поранешен институт во Вашингтон или во неговата куќа во Вилмингтон“,

изјави денеска портпаролката на Белата куќа Карин Жан-Пјер.

Бајден не знаел што има во тие доверливи документи, соопшти Белата куќа, откако Мерик Гарланд, државен обвинител на САД, го објави назначувањето на специјален обвинител кој ќе го истражи ракувањето на Бајден со доверливите владини документи, објави Ројтерс.

Гарланд најави дека истрагата ќе ја води Роберт Хур, поранешен обвинител во американската сојузна држава Мериленд, објави Гласот на Америка.

„Претресот беше завршен синоќа. Мал број доверливи документи беа откриени во складиштата и кабинетите во мојата куќа – во библиотеката“,

рече Бајден.

Беше објавено дека документите се пронајдени во заклучена гаража во градот Вилмингтон, како и во соседната соба. Американскиот претседател посочи дека неговите правни застапници веднаш го известиле Секретаријатот за правда и дека целосно соработуваат со случајот.