Информацијата којa пратеничката група на Европскиот фронт ја достави до парламентот и до Владата во кое се бара на посебна седница да се дебатира за настаните кои се случија на 28 ноември Денот на албанското знаме да биде ставена на дневен ред на Собранието, побара пратеникот на оваа коалиција Блерим Беџети. На неа, како што истакна тој, треба да присуствува и премиерот Христијан Мицкоски, првиот вицепремиер Изет Меџити и министерот за внатрешни работи Панче Тошковски. Доколку тие не одговорат на ова барање, значи не го почитуваат Собранието, рече Беџети.
-Господин Гаши и вие почитувани присутни кои сте парламентарни мнозинство настаните од 28 ноември бараме тука да се дебатира е оправдано да се дебатира и е потребно да се дебатира за сите овие настани кои се случија тој ден и кога беа приведени многу млади, граѓани на оваа држава и без ниту едно оправдување само со медиумски изјаснувања и пи ар власт, изјави Блерим Беџети од Европски фронт.
Претседателот на Собранието Африм Гаши на ова барање му одговори дека од Владата се чека да достави одговор и веднаш потоа ќе биде закажана седницата. Гаши и јавно ја повика Владата што поскоро да достави одговор, бидејќи за оваа точка немаат материјал за расправа.
-Вашето барање за информации сме го испратиле до Влада. Очекуваме Владата што поскоро да ни прати информации и врз основа на тие информации, ние веднаш ќе ги ставиме како точка на дневен ред во пленарна седница. Ја поканувам Владата што поскоро да даде одговор, а ние како парламент не можеме да ставиме точка на дневен ред во пленарна седница бидејќи немаме никаков материјал околу тоа што вие го барате, изјави претседателот на Собрание, Африм Гаши.
Во настаните што се случија на 28 ноември на Денот на албанското знаме беше запалено државното знаме, а потоа во друг инцидент беше запалено и албанското знаме. За овие случувања беа приведени 17 лица главно млади, од кои четворица завршија во притвор и тоа тројца за палењето на државното знаме и еден за палење на албанското знаме.
ИЗВОР: ТВ 21
