Барселона треба да одигра пријателски натпревар во Перу во декември, што ќе им донесе многу пари.
Финансиската понуда беше неодолива за раководството на Барселона, особено по „неуспехот“ на планираниот натпревар против Виљареал, кој требаше да се игра во Америка. Доколку го играа тој натпревар против Виљареал во Америка, Барселона наводно ќе инкасираше околу шест милиони евра.
Наводно, раководството на Барселона одбило да игра пријателски натпревар во Либија на 10 октомври, што можеше да им донесе профит од околу пет милиони евра.
Клубот одбил сè поради наводни безбедносни проблеми, а и Атлетико Мадрид добил иста понуда за пријателски натпревар, која ја прифатил.
На крајот на краиштата, Барселона добила профитабилна понуда да го игра овој пријателски натпревар во Перу и е подготвена да ја прифати.
Според новинарите од Мундо Депортиво, овој натпревар ќе ѝ донесе на Барселона профит од околу осум милиони евра, а тоа е навистина тешко да се одбие.
Оваа понуда беше особено тешка за одбивање од страна на челниците на Барселона, со оглед на моменталните околности и изгубените приходи од натпревари како оној во Америка.
Претседателот на Барселона, Лапорта, вчера се сретна со капитените на Барселона, Ханси Флик и Дек, во тренинг центарот.
Покрај тоа што наводно ги охрабрил по поразот од Реал Мадрид, тој ги информирал и за понудата натпреварот да се игра во Перу и дека клубот има намера да ја прифати.
Овој предлог предвидува пријателскиот натпревар да се игра по последниот лигашки натпревар во годината, а тоа е натпреварот помеѓу Виљареал и Барселона, кој требаше да се игра во Мајами на 20 декември.
Со оглед на тоа што натпреварот во Ла Керамика е последен пред лигашката пауза за божиќните празници, челниците на Барса се во контакт со Шпанската фудбалска федерација за да разјаснат кога е последниот ден кога играчите можат да работат.
Што се однесува до првиот натпревар на Барселона во годината, тој ќе се игра на 3 или 4 јануари против Еспањол.
Извор: vecer.mk
