Бразилскиот дефанзивец на Фиорентина, Додо, се најде на радарот на неколку европски гиганти и наскоро би можел да ја промени средината.
Иако сезоната е во полн ек, најголемите европски клубови веќе ги следат состојбите на трансфер-пазарот и ги прават плановите за следните два преодни рока.
Според „Ла Газета дело Спорт“, Барселона, Јувентус и Милан покажале интерес за 27-годишниот бразилски десен бек, кој со Фиорентина има договор до летото 2027 година.
Фиорентина веќе подолг период се обидува да постигне договор со Бразилецот за продолжување на соработката, но засега нема конкретен напредок. Преговорите траат речиси две години, а клубот во неколку наврати му понудил нов договор, но одговор од фудбалерот сè уште нема.
Тука шансата ја гледа Барселона, а можно е Додо да остане и во Италија, но во некој од гигантите, Јувентус или Милан.
Додо во Фиорентина пристигна од Шахтјор во 2022 година и оттогаш има важна улога на десната страна од теренот. Сепак, останува отворено прашањето колку долго уште ќе го носи виолетовиот дрес.
Досега за Фиорентина одигра 114 натпревари во Серија А, а на сите натпревари во сите конкуренции има постигнато два гола и запишано 12 асистенции.
Извор: sportmanija.mk
