Апокалиптични и траорни сцени доаѓаат од соседството. Србија и Хрватска под циклонска бура која со себе носела куќи, дрва и автомобили. Најпогоден е Сплит каде невремето предизвикало штета на стадионот на фудбалксиот клуб Хајдук и римскиот споменик на култура-Диоклецијановата палата, додека во Белград и Војводина е причинета значителна материјална штета, а регистрирани се и најмалку 3 повредени лица, затворен е и аеродромот Никола Тесла во Белград.
Во последното деноноќие во Сплит се регистрирани 26 повредени, од кои двајца се во тешка клиничка состојба, а службите од Сплит потврдиле дека имале повеќе од 300 интервенции, и повеќе од 500 повици за помош од граѓани.
Помеѓу граѓаните владее паника, голем дел од нив стравуваат од нови поплави поради новите најави за обилни врнежи кои ги принуди властите да издадат предупредувања и прогласат кризна состојба.
А додека Белград и Војводина се соочуваат со циклонски бури, тропски температури предизвикале пожари во Крагуевац и Прокупље каде се регистрирани поголем број на пожари а еден од нив принудил жители на Крагуевац да ги напуштат живеалиштата, а градоначалникот прогласил вондредна состојба. Поради високите температури скоро цела недела е затворен за посетители и акрополот во Атина.
Инаку,. покрај Балканот со катаклизма се соочува и сојузната држава Тексас во САД каде поради поплави и преливање на реката Гвадалупе се бројат стотици жртви.
Извор: 24vesti.mk
