ЕРУСАЛИМ (АА) – Според соопштението на Управата на исламските фондации во Ерусалим, околу 120.000 луѓе го извршија Бајрам намаз во Месџид ал Акса, известува Анадолу.
Палестинците тргнаа кон Месџид ал Акса во окупираниот Источен Ерусалим, и покрај ограничувањата на израелската полиција.
Израелската полиција спроведе проверка на идентитетот и претрес на некои Палестинци на контролните пунктови поставени во областите околу Стариот град во источен Ерусалим, каде што се наоѓа џамијата Ал Акса.
– Израел спроведе рестрикции во текот на Рамазан
Израел спроведе одредени ограничувања во џамијата Ал Акса за време на Рамазан.
Израелските власти најавија дека на ограничен број жени над 50 години и мажи над 55 години ќе им биде дозволено да дојдат од Западниот Брег.
Израелскиот печат објави дека на 10.000 Палестинци од Западниот Брег ќе им биде дозволено да одат во Акса.
Палестинците кои доаѓаа од окупираниот Западен Брег чекаа на контролните пунктови пристигнувајќи во Акса. На голем број луѓе не им беше дозволен влрз иако беа на соодветна возраст и од нив се бараше да го напуштат Ерусалим и да се вратат на Западниот Брег до вечерните часови.
Извор: Anadolu Agency (AA)
