ВАШИНГТОН (АА) – Американскиот претседател Џо Бајден изјави дека не е сигурен дека би се кандидирал за уште еден мандат во Белата куќа доколку неговиот претходник Доналд Трамп не би му бил противник, јавува Анадолу.
„Да не се кандидираше Трамп, не сум сигурен дали би се кандидирал. Но за доброто на земјата не можеме да му дозволиме да победи“, изјави Бајден пред демократските донатори за време на собирањето средства за неговата кампања во 2024 година во Бостон.
Бајден во таа пригода изјави дека демократијата е „во поголема опасност во 2024 година отколку што била на изборите во 2020 година, на кои победи Трамп, додавајќи дека се натпреварува против главниот негатор на изборите“.
„Трамп веќе не ја ни крие топката“, рече Бајден, додавајќи дека Трамп и неговите МАГА-републиканци (МАГА-Направете ја Америка повторно голема) се решени да ја уништат американската демократија.
Неговите изјави следуваа откако Трамп, говорејќи на предизборниот настан во Ајова во саботата, го нарече Бајден „уништувач на американската демократија“.
„Џо Бајден не е бранител на американската демократија. Џо Бајден е уништувач на американската демократија. Тоа е тој и неговите луѓе. Тие се уништувачи на американскиот сон. Американскиот сон е мртов со нив на власт“, смета Трамп.
