БАКУ (АА) – Ерменија отворила оган врз воени позиции во автономната област Нахчиван, објави денес Азербејџан, изведстува Анадолу.
Во соопштението на Министерството за одбрана на Азербејџан се наведува дека ерменската војска отворила оган врз позиции во близина на населбата Хејдарабад во саботата во 21:40 часот по локално време.
Во соопштението не се дадени дополнителни информации.
Односите меѓу поранешните советски републики Азербејџан и Ерменија се напнати од 1991 година, кога ерменската армија го окупираше Карабах, меѓународно призната територија на Азербејџан, и седум соседни региони.
Баку ослободи неколку градови, села и населби од ерменските сили во текот на 44-дневните борби во есента 2020 година, кои завршија со прекинот на огнот постигнат со посредство на Москва.
Во септември минатата година, азербејџанската армија започна антитерористичка операција во Карабах за враќање на уставниот поредок, по што се предадоа илегалните сепаратистички сили во регионот.
Извор: Anadolu Agency (AA)
