МОСКВА (АА) – Министерот за надворешни работи на Азербејџан, Џејхун Бајрамов, денеска објави дека е постигнат целосен консензус за сите членови од мировниот договор со Ерменија, јавува Анадолу.
Говорејќи на прес-конференцијата во главниот град Баку, Бајрамов изјави дека Ерменија првично одбивала да прифати два члена од договорот, но неодамна се согласила на нив.
„Претходно информиравме дека останаа два неодобрени члена. Сепак, ерменската страна сега нѐ извести дека ги прифаќа предлозите на Азербејџан за овие две прашања“, изјави Бајрамов.
Односите меѓу Баку и Ереван се тензични од 1991 година, кога ерменската војска го окупираше Карабах – територија меѓународно признаена како дел од Азербејџан – заедно со седум околни региони.
Најголемиот дел од оваа територија беше ослободен од Азербејџан за време на 44-дневната војна во есента 2020 година, што заврши со мировен договор посредуван од Русија, отворајќи го патот за нормализација и преговори за демаркација.
Во септември 2023 година, Азербејџан воспостави целосен суверенитет во Карабах по „антитерористичката операција“, по што сепаратистичките сили во регионот се предадоа.
Извор: Anadolu Agency (AA)
