Најмалку 29 патници загинаа денеска во Мексико, a уште 19 се повредени откако патнички автобус изгубил контрола и излетал од патот во провалија длабока 25 метри, пренесе Ројтерс.
Несреќата се случила во регионот Миктека во јужната држава Оахака, а дел од медиумите пренесуваат дека меѓу загинатите има и едноиполгодишно дете.
Државниот секретар за внатрешни работи Хесус Ромеро соопшти дека околу 20 лица се повредени, а некои се во многу тешка состојба.
Според соопштението од тамошните власти, возачот на автобусот очигледно изгубил контрола над возилото и паднал во провалија.
„Се чини дека недостигот на вештина и замор ја предизвикаа несреќата“,
рече Ромеро.
Автобусот тргнал од Мексико Сити за да превезе патници во повеќе мали, оддалечени планински села во сиромашниот регион Миктека.
Извор: 360stepeni.mk
