ИСТАНБУЛ (АА) – Патниците на аеродромите низ Австралија денес се соочија со значителни доцнења при пријавувањето за меѓународни летови поради прекини во системот, објавија локалните медиуми, пренесува Анадолу.
Патниците чекаат во долги редици за да им се обработат пасошите. Прекинот особено влијаеше врз технологијата за скенирање на визите што се користи за патниците што ја напуштаат земјата.
Портпаролот на австралиските гранични сили потврди дека прекинот на ИТ се случил кај давателот на услуги одговорен за управување со системите за напредна обработка на патници (АПП).
Овие системи проверуваат кај авиокомпаниите дали патниците имаат дозволи и валидни документи за излез од земјата пред да се качат во авионот.
„Во моментов имаме многу долги редици за меѓународни чекирање“, изјави Ендрју Лунд од аеродромот во Мелбурн за радиостаницата 3AW.
Лунд рече дека и другите аеродроми во земјата се погодени од проблемите.
Локалните медиуми објавија дека, каде што е можно, персоналот на австралиските гранични сили рачно ќе ги проверува деталите за патниците.
Извор: www.aa.com.tr
