Author

e-post - page 3

e-post has 19299 articles published.

Погледнете го местото каде што се случила катаклизмата која ја уништила древната Земја (ВИДЕО)

во категоријата Технологија

Група американски археолози кон средината на 80-тите години од минатиот век, на сателитски снимки забележала дека полуостровот Јукатан во Мексико е речиси совршен круг.

Се воспоставило дека станува збор за кратер кој настанал од удар на астероид.

Астероидот длабоко се забодел во земјата бидејќи кратерот е длабок 30 километри. Од јачината на ударот, тлото околу него се однесувало како кога ќе фрлите камче во бара.

Овој удар го променил светот до непрепознатливост. Температурите се спуштиле до степен што 75 проценти од животот на Земјата исчезнале, вклучувајќи ги и диносаурусите.

Меѓутоа, се додека во 1991-ва година не биле објавени резултатите од истражувањата на овој кратер, кој го добил името Чикшулуб, истиот не бил многу интересен.

Денес на место се наоѓа музеј отворен во 2018-та година, заеднички проект на мексиканската влада и најголемиот тамошен универзитет, УНАМ, а целта е луѓето да се вратат 66 милиони години во минатото, кога астероид со обем од 12 километри ја променил историјата на светот и оставил последици кои се чувствувале неколку милиони години.

Но, главната работа – остатоците од астериодот – и натаму се безбедни во длабочините на Чикшулуб.

Може да се нурне толку колку што е длабочината на убавите сини лагуни, во кои туристите пливаат со риби, свесни за драмата која таму се одвивала. Денес тие лагуни, настанати од удар на астероид, се главен заштитен знак на Јукатан и голема туристичка атракција.

Извор: Kurir.rs

ИЗВОР: https://usb.mk

Ердоган: „До крај ќе ги браниме правата на Турција“

во категоријата Свет

АРТВИН (АА) – Претседателот на Турција, Реџеп Таип Ердоган, во областа Јусуфели во градот Артвин се обрати пред граѓаните, јавува Anadolu Agency (AA).

Претседателот Ердоган во своето обраќање рече дека во април 2021 година браната „Јусуфели“ ќе започне со производство на електрична енергија.

Осврнувајќи се на активностите во новата населба во Јусуфели, Ердоган рече:

„Ние ќе го завршиме овој процес на начин што ќе ги задоволи сите срца. Со нашите работи ќе изградиме нов Јусуфели.“ 

Турскиот претседател се осврна и на последните случувања на Источниот Медитеран. 

„Западот ни се заканува. Ние не потклекнуваме на закани. Ние тука до крај ќе ги браниме правата на Турција“, нагласи Ердоган.



. (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: https://www.aa.com.tr/mk/

Власта и опозиција оптимисти за законот за обвинителство

во категоријата Македонија

Власта и опозицијата се оптимисти дека е можен договор за законот за јавно обвинителство. Работните групи в понеделник повторно ќе седнат на маса во обид да ги усогласат ставовите. Премиерот Зоран Заев е оптимист – вели дека разликите не се непремостливи.с

Новиот закон за јавно обвинителство ги содржи над 80 насто од предлозите на најголемата опозициска партија ВМРО ДПМНЕ. Во предлог-решението има спојување на СЈО со Обвинителството за организиран криминал и тоа обезбедува иднина. Очекувам да се договориме, а пратениците да се изјаснат, бидејќи деновите се изброени. За оваа работа разговараме скоро една година, а останаа само дваесеттина дена за разговори. Искрено, верувам дека заедно со опозицијата, со консензус, ќе ја обездиме поддршката на новиот закон за јавно обвинителство – изјави Зоран Заев премиер на РСМ.

Од ВМРО ДПМНЕ велат дека постои волја да се работи на заеднички прифатливо решение, но поради сите случување со „Рекет“, бараат да се истражи улогата на секој вработен во СЈО.

Работните групи го тераат процесот на преговарање во однос на законотза јавно обвинителство, ние веќе предложивме кои се нашите параметри за новиот закон, кој треба да биде пред се неселективен. Во однос на Спрецијалното јавно обвинителство би можеле само да порачаме да се истажи сечија инволвираност и вмешаност на секој вработен во СЈО за дури потоа да се размислува што со тие луѓе понатаму – рече Димче Арсовски – ВМРО ДПМНЕ.

Во владиниот предлог-закон се предвидува сите вработени во СЈО да преминат во новото обвинителство за организиран криминал и висока корупција. Опозицијата бара обвинителите од СЈО да се вратат во обвинителствата од кои беа регрутирани. Спикерот Талат Џафери го стави на дневен ред владиниот предлог на пленарната седница закажана за во вторник.

Андреа Чобанова

 

.

Извор: https://www.alsat-m.tv/mk/

Законот за албанскиот јазик не се применува целосно

во категоријата Македонија

Седум месеци по влегувањето во сила на Законот за употреба на јазиците, Владата започна со подготовката на програма насочена кон промоција на употребата на службените јазици, како што е предвидено во член 21 од Законот.

Владата и сите институции одговорни за спроведување на одредбите од овој закон ќе преземаат мерки за унапредување/промовирање на употребата на сите службени јазици и ќе гарантираат заштита на јазиците на другите заедници кои не се во службена употреба – се вели во Член 21.

Владиниот портпарол Мухамед Хоџа за Алсат вели дека програмата што ја подготвува работната група предводена од заменик владиниот секретар Тахир Хани има за цел да ја подигне свеста кај граѓаните за употребата на службените јазици. Што се однесува до институциите, тие по сила на закон треба да го употребуваат и албанскиот јазик.

До формирањето на Инспекторатот, во рамките на Владата на Република Северна Македонија постои меѓуминистерска група, која помага и го координира спроведувањето на одредбите од Законот за употреба на јазиците. Како што е предвидено со законот, сите институции што не го спроведуваат законот за употреба на јазиците ќе бидат санкционирани, како што е предвидено со закон – изјави Мухамед Хоџа – Портпарол на Владата.

Сепак, многу институции во земјава сè уште не го почитуваат законот за употреба на јазиците, а други го прават тоа делумно. Тие треба најдоцна една година од влегувањето во сила на законот за јазици, сите други закони и подзаконски акти да ги усогласат со овој закон, а двојазичноста треба да ја применуваат и на официјалните веб-страници. Колку институциите во земјава го почитуваат албанскиот јазик ќе биде познато по формирањето на Инспекторатот, за што законот е веќе доставен до Собранието. Инспекторатот мора да започне со работа една година по влегувањето во сила на Законот за употреба на јазиците.

Еви Шкопи

.

Извор: https://www.alsat-m.tv/mk/

Вучиќ: „Пред Србија е тешка есен“

во категоријата Свет

БЕЛГРАД (AA) – Претседателот на Србија, Александар Вучиќ, изјави дека секој разговор со претставниците на Соединетите Американски Држави (САД) е важен бидејќи „пред Србија не е лесна есен, ниту едноставна зима“, пренесува Anadolu Agency (AA).

„Ние ќе се бориме во тешки услови, нема да биде лесно, ќе видиме како сето тоа ќе изгледа. Секако не очекуваме лесни денови, ниту лесна есен, ниту едноставна зима за нас“, рече Вучиќ во телевизиско интервју, по низата состаноци во САД за прашањето за Косово.

Говорејќи за нападите на Србите во Хрватска, Вучиќ рече дека нападот кој се случил пред неколку дена е страшен и дека Србија ќе му помогне на својот народ, кој живее во таа држава.



.(AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: https://www.aa.com.tr/mk/

“Рекет”, дел од сведочењето на Камчев протече во јавноста

во категоријата Македонија

Јас од месец септември 2018-та година до некаде 10 април 2019-та сум постојано уценуван од група на луѓе кои од мене изнудија голема сума на парични средства. Вака почнува сведочењето на бизнисменот Јордан Камчев пред обвинителката Вилма Рускоска за случајот „Рекет“, кое може да се прочита од записникот кој го објави порталот „Инфомакс“. До крајот на страницата, Камчев раскажува и како Боки 13 му нудел проекти а тој одбивал да ги финансира бидејќи биле неисплатливи а и веќе знаел дека на сличен начин биле измамени други бизнисмени.
Објавувањето на документот наиде на осуда од јавното обвинителство и најави дека истражува како „протекол“ документот.

Обвинителството нема да ги коментира информациите изнесени во јавноста, но ќе потенцира дека откривањето на доверливи информации од страна на поединци претставува опасност и штета за севкупниот општествен систем и е кривично дело. Со протекување на ваков вид документи се повредува пресумпцијата на невиност, се загрозуваат животи на инволвираните лица и воопшто сe отежнува текот на постапката – велат од Јавно обвинителство на РСМ.

Но, освен објавената една страница од документот, порталот „Инфомакс“ а потоа и други електронски медиуми тврдат дека Камчев во сведочењето ги инкриминирал премиерот Зоран Заев, министерката за одбрана Радмила Шеќеринска, министерот за надворешни работи Никола Димитров и други функционери. Тоа не може да се прочита и провери од едната објавена страница. Алсат побара, но не доби официјален став од обвинителството. Но, добро упатен извор, неофицијално ни потврди дека дел од објавеното во медимите го нема во сведочењето на Камчев, односно дека „ниту ги има во записникот, ниту пак произлегуваат од содржината на записникот“. Обвинителството веќе има почетно сознанија од каде „протекол“ документот, бидејќи тој спис бил „залепен на предмет“.

Официјален став од обвинителството побара и премиерот Зоран Заев кој најави тужба, во која ги повика да му се придружат сите споменати функционери.

Ова е типичен пример на лажна вест. Новинарот го спомнува името на премиерот, на заменик- претседателот на владата на министерот за надворешни работи, потпретседателката на Собранието и тоа не го покажува, ако манипулира само со прва страна од записникот и алудира дека во записникот има вакви работи, тогаш тоа дефинитивно е лажна вест која ја преокупира целата јавноста -изјави Зоран Заев- премиер.

Барање за извинување и повлекување на текстовите јавно упати министерот за надворешни работи Никола Димитров. Министерката за одбрана Радмила Шеќеринска најави тужби затоа што, како што вели, реакциите до нив се непотребни и залудни.

Алсат

.

Извор: https://www.alsat-m.tv/mk/

Јовица Ивановски со стихозбирката „Човек“ добитник на наградата „Браќа Миладиновци“

во категоријата Култура

Јовица Ивановски со стихозбирката „Човек“ е добитникот на годинашната награда „Браќа Миладиновци“, која ја доделува „Струшки вечери на поезијата“. Одлуката на жири-комисијата во состав Милован Стефановски, претседател, Лорета Георгиевска – Јаковлева, Тихомир Јанчовски, Лидија Капушевска – Дракулевска и Снежана Стојчевска, секретар, ја прочита Стефановски.

„Од петте збирки поезија кои влегоа во потесниот избор, по детална анализа и дискусија, комисијата едногласно ја додели наградата „Браќа Миладиновци“ на стихозбирката „Човек“ од Јовица Ивановски. Од дискусијата произлезе дека во најтесен избор влегуваат книгите „Стан што се распаѓа“ на Биљана Стојановска и „Човек“ на Јовица Ивановски. Сепак, преовлада мислењето дека збирката на Јовица Ивановски, со својата кохерентна структура, тематско-мотивски опсег, како и оригиналниот и автентичен израз – од книгите што конкурираа годинава – се издвои како најкомплетно остварување“, појасни Стефановски на пладневната прес-конференција во хотелот „Дрим“ во Струга, која се одржа во рамките на годинашното, 58-мо издание на „Струшки вечери на поезијата“, најстариот светски поетски фестивал што се одржува во континуитет.

„Најновата поетска книга на Јовица Ивановски е многу типична за поезијата на овој автор и ги содржи сите битни одлики по кои тој стана и е препознатлив: деметафоризираниот поетски јазик, импулсивноста, едноставниот израз, сериозноста проткаена со хумор, искреноста, (авто)иронијата и потсмевот. Во неговите стихови сите тие се менуваат и надополнуваат, сопостојат или зрачат симултано. Тие понекогаш ја прават оваа поезија противречна, но токму затоа особена, неповторлиав и интересна. Ставајќи ја нагласката на човекот, авторот ја промовира хуманоста и вистинските човекови вредности. Поезијата на Ивановски е обид за осмислување на бесмислата и за хуманизирање на дехуманизираниот свет“, се вели, меѓу другото, во одлуката на жири-комисијата.

По соопштувањето на победникот, во текот на денешниот, четврти ден од „Струшки вечери на поезијата“ (СВП), учесниците – 32 поети од странство и 30 од земјава, попладнево ќе го посетат Охрид. По запознавањето со културно-историското наследство, учесниците на СВП, заедно со гостите, ќе присутвуваат на настанот „Поетски портет“ во чест на починатиот поет Матеја Матевски, по повод 90 годишнината од неговото раѓање. Настанот со почеток во 19 часот ќе се одржи во предворје на црквата „Света Софија“ во Охрид, а веднаш потоа, со почеток во 20.30 часот, во катедралната црква, традиционално, ќе се одржи поетскиот портрет на годинашната добитничка на највисоката фестивалска награда, „Златен венец“, Ана Бландијана.
Потоа четвртиот ден на годинашното фестивалско издание ќе продолжи во Струга точно на полноќ, кога во Центарот за култура ќе се одржи поетското читање „Ноќ без интерпункција“.

ИЗВОР: https://makfax.com.mk/kultura/

Масовни протести во Франција, пред почетокот на самитот на Г7

во категоријата Свет

Полицијата со солзавец ги растерува демонстрантите, кои се собраа во близина на Бијариц каде се одржува Г7, Самитот на лидерите на седумте најмоќни земји.

Извор: https://www.alsat-m.tv/mk/

Извори од ОЈО: Дел од објавеното во медиумите го нема во сведочењето на Камчев

во категоријата Македонија

Дел од содржината на записникот од сведочењето на бизнисменот Јордан Камчев, кој го објави порталот „Инфомакс“ а потоа го презедоа повеќе медиуми, „ниту ги има во записникот, ниту пак произлегуваат од содржината на записникот“ тврди за Алсат добро упатен извор од јавното обвинителство. Ставот е директен одговор на прашањето- дали се точни наводите дека во записникот од сведочењето на Камчев се инкриминира и премиерот Зоран Заев и други политичари, како што објавија дел медиумите, а што не може да се види од единствената страница која е објавена од записникот. Алсат дознава и дека обвинителството веќе има некои сознанија од каде потекнува објавената копија, бидејќи „тој спис бил залепен на предмет“, што може да го донесе обвинителството до факт од каде е копиран или преснимен записникот.

.

Извор: https://www.alsat-m.tv/mk/

Втора лига – Запад 1. коло: Пелистер под „Тумбе Кафе“ ќе го нагости Вардар, ама од Форино…

во категоријата Спорт

И второлигашкиот запад, денеска од 17 часот со мечевите од 1.коло ќе ја стартува нова 28.сезона. Нема дерби на стартот, но се очекува интересно да биде во Битола каде под „Тумбе Кафе“, Пелистер го дочекува Вардар, ама оној од Форино. Тим кој што е новак во оваа конкуренција.

Во Охрид гостува Влазерими, секако дека ќе биде неизвесно ако се знае дека и тимот на Охрид си има свои амбиции во оваа сезона. Гостивар пак ја дочекува Дрита, тим кој што се врати во Втората лига, но тим кој што пред неколку години играше и во елитата. Во Дебар пак гостува Скопје, Кораби најавува голема битка и поход кон трите бода.

И во последниот меч, тимот на Лабуништа му гостува на Кадино, екипа која оваа сезона како новајлија ќе игра во оваа Втора лига.

ДВОЈКИ ЗА  1.КОЛО – ДЕНЕСКА 17 ч.

Охрид: Охрид – Влазерими

Гостивар: Гостивар – Дрита

Дебар: Кораб – Скопје

Битола: Пелистер – Вардар Форино

Кадино (Скопје): Кадино – Лабуништа

Извор: https://sportmedia.mk/

оди на почеток