Политичкиот аналитичар Благојче Атанасоски во Аргумент плус рече дека Трамп не само поради своето предизборно ветување туку и поради својот карактер сака да се наметне дека ќе најде решение за крај на конфликтот меѓу Русија и Украина.
Според него, геополитичкото поместување се развива со брзина на светлината.
„Овој конфликт е најтежок после Втората светска војна и треба да се знае како би се решило сето ова и сите страни да се задоволни бидејќи досега никој не нашол решение кое нема да донесе до војна повторно. Трамп не само поради своето ветување дека ќе ја прекине војната туку и преку неговиот карактер сака да се наметне дека тој ќе произведе решение кое ќе биде прифатливо за двете страни и се тргна во таа насока да се прават паралелни преговори“, рече Атанасоски.
Тој зборуваше и за геополитичкото поместување на светот во последните неколку години.
„Гледаме геополитичко разместување со бризна на светлината бидејќи изминативе години имавме вкиопани позиции од една страна запдна алијанса која ја поддржуваше Украина од друга страна Русија и нејзините сојузиници и тоа беа судири исток и запад. Демократскиот свет и тоталитарните режими тој судир го направија во Украина, гледаме прераспределување на позициите“, изјави Атанасоски
Тој додаде и дека потребни се гаранции за тоа дека Русија нема да ја нападне повторно Украина.
„Се согласувам дека нема почит на договорите од 2014 и 2015 година и ако се гледа постојано говориме за војната во Украина во изминатите три години но реално војната почна во 2014 година кога Крим беше анектран и кога почнаа воените дејствија, самата војна во Украина трае повеќе од 10 години и има етапни фази и затоа има стравови Зеленски, дека миоже повторно да се врати војната“, објасни Атанасоски.
Извор: 24vesti.mk
