Со најава дека утре во текот на денот до Јавното обвинителство за гонење организиран криминал и корупција ќе достави уште еден материјал од илјадници страници фалсификати и злоупотреби од општина Чаир, скопската градоначалничка Данела Арсовска попладнево повторно имаше директно вклучување на социјалните мрежи од пред една зграда од 12 спратови со над 50 станови, која според арсовска е дивоградба која сега се правело обид да се прикаже дека е од 2011.
Таа нагласува дека објектот не е безбеден за живеење иако во него веќе имало вселено станари, зашто бил правен без проект, диво вклучен на струја а денес го копале булеварот за да се приклучи на водоводна и канализациона мрежа.
Извор: 24vesti.mk
