Градоначалничката на град скопје данела арсовска со отворено писмо на христијан мицкоски…Откако Советот на градот, повторно не ги изгласа одлуките за набавка на екоавтобуси и за БРТ системот за превоз, арсовска побара од премиерот да ги вразуми советниците од вмро дпмне а доколку не може да го направи тоа, тогаш владата да ги набави потребните автобуси за функционирање на јавното сообраќајно претпријатие но и да ги исплати долговите кон јавните претпријатија..Доколку пак нема пари во буџетот за ваква намена, да се закаже вонредна седница на Советот, за Градот да им префрли пари…
Данела Арсовска
„Недозволиво скопјани да чекаат автобуси по еден час на екстремни температури, недозволиво е учениците да немаат превоз, а уште пострашна е најавата на министерката за образование и наука дека нема намера да го исплати долгот за бесплатниот превоз на студенти и средношколци кон ЈСП. Како влада со големо владеачко мнозинсво имате начин и капацитет, а сакам да верувам дека имате и политичка волја да ги исплатите долговите кон ЈСП од 8 милиони евра, кон Комунална Хигиена од 2.5 милиони евра, но и кон Јавното Претпријатие Дрисла на кој само Клинички центар му должи 1 милион евра, како и долговите кон Водовод и Канализација кои се бројат во милионски суми.“
Пред две недели, Скопските градоначалници побараа од Арсовска да даде оставка поради негрижа за градот и побараа од владата да и ги одземе ингеренциите за јавните претпријатија Комунална Хигиена и Паркови и Зеленило..Мицковски пак и даде рок на Арсовска од една недела, а доколку нема напредок најави дека ќе се разгледаат можностите за одземање на нивните ингеренции…Од Градот Скопје, пак најавија дека ќе има вонредна ревизија во работењето на сите јавни претпријатија кои се под негова надлежност.
Извор: 24vesti.mk
