Градоначалничката на Скопје, Данела Арсовска, со остра објава на Фејсбук му одговори на градоначалникот на Чаир, Висар Ганиу, откако тој најави тужба против неа поради, како што рече, „невистини и клевети“. Арсовска директно го нарече Ганиу „криминалец“, обвинувајќи го за заштита на 50 дивоградби кои, според неа, се градат во моментов во општина Чаир.
„Слушај криминалецу, луѓе сон немаат во Чаир од твоите небезбедни згради, кои со фалсификати ги легализирате за да избегнете плаќање комуналии и да перете пари“, напиша Арсовска. Таа најави дека ќе објавува еден по еден сите објекти што моментално се градат, посочувајќи дека тие не се ниту од пред 10, ниту од пред 5 години, туку тековни градби под, како што тврди, заштита на Ганиу.
Исто така посочи дека народот гледа и дека јасно им е на сите што се случува.
„Знае народ има и ум и очи и уши. Јасно му е на секој кој лаже, кој е криминалец и дека тука нема политика, туку има криминал, а ти со милионите се штитиш и си купуваш мир преку другарчињата од Влада.“ – додаде Арсовска.
Извор: 24vesti.mk
