Иранскиот министер за надворешни работи Абас Арагчи изјави дека американскиот план за прекин на војната во моментов се разгледува од највисоките власти во Техеран, но нагласи дека размената на пораки преку посредници не претставува директни преговори со САД.
Во изјава за државната телевизија, Арагчи појасни дека Техеран нема намера да води директен дијалог со Вашингтон. Тој дополнително се осврна на прашањето за стратешката Ормуска Теснина, нагласувајќи дека таа „ќе остане затворена, но само за непријателите“.
„Нема причина Иран да дозволи премин на пловила на непријателот и неговите сојузници“, изјави Арагчи. Тој подвлече дека иранската војска веќе обезбедила безбеден премин за бродовите на пријателските држави, со што ја потврди контролата на Техеран врз оваа клучна поморска рута за светската енергија.
Извор: vecer.mk
