Од внатрешен аспект, кога министер за надворешни работи беше Никола Димитров ние имавме шарм-дипломатија, но кога дојде Бујар Османи добивме лична дипломатија. Османи работеше за интересеите на АЛбанците и затоа е битно да се направи дедуизација на Македонија. Резолуцијата за Сребреница што е поднесена во ОН со коспонзорство на Македонија го загрозува Дејтонскиот договор и постоењето на Република Српска. Денеска сме сведоци кога меѓународната заедница ја негира својата одлука за организацијата на Босна. Сребреница е локално случување, нема сомнеж дека е злосторство но геноцид не е оти е локална случка, вели Страшо Ангеловски, претседател на МААК Конзервативна партија во СТУДИО 10 на ТВ 24.
– Помина времето кога ќе се симнуваат старите чизми од 2001 година од таван. Јас бев првиот кој почна да зборува за штетните процеси на заевизација и дуизација која помина во грубизација. ДУИ е детронизирана и не смее да се заканува. Велат дека не може влада без Албанци, па што се тогаш тие од албанската опозиција ако не Албанци? Овие избори покажаа дека единствени поразени на овие фронтовски се т.н. европски фронтови – СДСМ и ДУИ. Причината е што тоа беше лажна реторика со која се плашеше народот. СДСМ и ДУИ ни даваа избор ЕУ или изолација, а воопшто не ја споменаа Македонија. За на крајот да излезе Ахмети и да понуди УЧК или Русија како избор, ако Русија воопшто е некој избор. Треба да им се дозволи на младите Албанци да живеат и да се развиваат, а ДУИ имаше единствена амбиција не да се бори за нивните права и благпдат туку за лично богатење, вели Ангеловски.
Извор: 24vesti.mk
