Ангелов до Гаревски: Ако не сте сигурен дека мостот е безбеден, не ги охрабрувајте граѓаните да поминуваат

Стојанче Ангелов од Центарот за управување со кризи испрати порака до професорот Михаил Гаревски, кој кажал дека мостот „Беласица“ со одредени санации може да биде безбеден за сообраќај.

-Почитуван професоре Гаревски, Градот Скопје, од кој сте ангажирани да ја процените штетата на опожарениот мост „Беласица“, веднаш после пожарот изрече забрана за движење на возила и пешаци по овој мост. Сè додека забраната не биде тргната по мостот не смеат да се движат ниту возила, ниту пешаци.

Доколку вие, како неспорно стручно лице од оваа област, врз основа на вашите досегашни испитувања на штетата на мостот сметате дека мостот е безбеден за пешаци, молам, во согласност со пропишаните процедури, веднаш известете го градот Скопје да ја тргне изречената забрана и со тоа да им се олесни животот на граѓаните кои го користат овој мост. Доколку не сте сигурни дека мостот е безбеден, ве молам не ги охрабрувајте граѓаните да минуваат по него, напиша Ангелов на фејсбук.