Првпат откако е тренер на Реал, Карло Анчелоти не успеа да го однесе својот тим во полуфиналето од Лигата на шампионите.
Синоќа, мадридскиот тим беше елиминиран од Арсенал во четвртфиналната фаза и тоа е само потврда дека сезонава, работите за Реал не одеа според посакуваното. Тимот се уште има шанси за двојна круна во шпанскиот фудбал, но таму има сериозна конкуренција во Барселона.
На прес-конференцијата по натпреварот, Анчелоти беше прашан за неговата иднина во Реал. но неговиот одговор ги изненади сите.
„Уште сме во игра за освојување на Ла Лига, Копа дел Реј и Светското клупско првенство. Не можам сега да зборувам дали ќе го водам Реал во јуни, ако клубот одлучи да ме смени, нема проблеми. Не знам каква е мојата иднина тука и не сакам да знам“, рече Анчелоти.
Последните две години тој се поврзуваше со селекторската позиција во репрезентацијата на Бразил, но Италијанецот упорно негираше дека има договор со „кариоките“.
Извор: kurir.mk
