Колку ли лидерот на СДСМ и поранешен министер за здравство Венко Филипче е заплеткан во скандалот во Онкологија, што мораше да ја нападне пратеничката Рашела Мизрахи баш денеска.
Имено, денес е 27-ми јануари – Меѓународен ден на сеќавање на жртвите на холокаустот, а Мизрахи е дел од Еврејската заедница во Македонија. И токму на овој ден, лидерот на СДСМ Венко Филипче најде да ја нападне Мизрахи иако тој се споменува веќе неколку денови. Не можеше ли Филипче да се јави вчера или да почека до утре, мораше ли баш денес на 27 јануари да се јави со напад кон Мизрахи? Во политиката се вели дека случајности не постојат, па така голема е веројатноста дека ова е промислен потег на Филипче иако нечовечки.
Како што и нечовечки е додека бил министер да се прави дека не знае за препродажбата на лекови за онколошките пациенти, еден од најголемите скандали во македонското здравство ако не и најголемиот. Краделе терапија, скратувале животи, за да заработат.
Мизрахи беше претседателка на анкетната комисија за случајот Онкологија, која побара политичка одговорност од Филипче како екс министер за здравство во чие време се случи скандалот додека директоруваа екс медицински и економски директор на Онкологија Нино Васев и Нехат Нухиу.
Согласно членот 295 надзор врз здравствените институции врши министерот и оттука следи неговата директна одговорност. Оттаму невозможно е да има скандал во Онкологија, а министерот да нема одговорност и да не знаел.
Онкологија повторно стана тема деновиве откако се јави недостиг на лекови, а каде повторно во улога се јавува Филипче затоа што во набавката на лековите е велдрогеријата Пановски, која важи за блиска до СДСМ и Филипче и нивна омилена за спроведување на милионски тендери деоа беа власт.
Па оттаму сега се поставува и прашањето дали бизнис интересите на Филипче беа причината токму на денот кога се сеќаваме на жртвите на Холокаустот да ја нападне токму пратеничката која е дел од Еврејската заедница?
ИЗВОР: kurir.mk
