Во насока на подобрување на ситуацијата во таборот на Манчестер Јунајтед, менаџерот Рубен Аморим цврсто застана во одбрана на капитенот Бруно Фернандеш. Португалецот има голема улога во игрите на тимот, а според Аморим премногу е критикуван и за нештата за кој реално не е виновен.
Фернандеш се повреди во поразот од Астон Вила со 1-2, а од „Олд Трафорд“ се очекува да се врати само за градското дерби со Манчестер Сити на 17 јануари.
„Невозможно е да се замени Бруно. Многу играчи мора да ги преземат неговите задачи за да се приближат до неговото ниво. Нема да недостасува само неговата креативност, туку и тој го организира тимот во секоја статична ситуација. Останатите мора да го заменат како група и мора што побрзо да разбереме дека не можеме да се потпреме на една личност за сè. Понекогаш сè му препуштаме нему“, призна Рубен Аморим.
„Мораме да смислиме поинаков начин на игра. Џек Флечер игра навистина добро во последно време и сега ќе има уште повеќе можности за игра. Јас лично верувам дека без разлика колку проблеми имаме, можеме да победиме на секој натпревар. Да, ќе биде тешко, но ако сме фокусирани, можеме да го направиме тоа“, рече менаџерот на Манчестер Јунајтед, осврнувајќи се на отсуството на други играчи, како што се Брајан Мбемо и Амад Дијало, кои се на Африканскиот куп на нации, како и Коби Меино, кој нема да игра против Њукасл на Божиќ. – рече Фернандеш.
Извор: vecer.mk
