Американскиот Конгрес денеска ја усвои одлуката за наредба на Министерството за правда да се објават сите истражни досиеја поврзани со починатиот сексуален предатор Џефри Епштајн.
За усвојување на наредбата гласаа 427 пратеници, додека против беше само републиканецот Клеј Хигинс од Лујзијана.
Следен чекор е гласањето во Сенатот, а доколку тамошното мнозинство ја изгласа, наредбата ќе треба да биде потпишана од претседателот Доналд Трамп. Претседателот претходно најави дека ќе ја потпише наредбата, иако има овластување да му наложи на Министерството за правда да ги објави документите и без гласање.
Минатата недела, американските демократи во Претставничкиот дом објавија над 20.000 документи од архивата на Епштајн. Тој во 2019 година изврши самоубиство додека беше во притвор по апсењето за сексуални злосторства. Негова поранешна партнерка, Гислејн Максвел, моментално служи 20-годишна казна затвор за сексуална трговија со деца.
Извор: tv21
