Американскиот државен секретар Ентони Блинкен вечерва пристигна во турската престолнина Анкара на средба со турскиот министер за надворешни работи Хакан Фидан, известува Анадолу.
Блинкен на аеродромот го пречекаа генералниот директор на Секторот за протокол на Министерството за надворешни работи на Туркије, амбасадорот Ахмет Џемил Мироглу, Мајкл Голдман, вршител на должноста во амбасадата на САД во Анкара и неколку други официјални лица.
Најавено е дека Блинкен, кој го посети Јордан пред да дојде во Туркије, во петок ќе се сретне со шефот на турската дипломатија Фидан.
Се очекува посетата на Блинкен да биде фокусирана на процесот на транзиција по падот на режимот на Башар ал Асад во Сирија и политичкиот процес во земјата, како и можниот договор за прекин на огнот во Газа, се вели во соопштението на американскиот Стејт департмент.
Фидан и неговиот американски колега Блинкен телефонски разговараа за последните случувања во Сирија на 7 и 10 декември.
Извор: Anadolu Agency (AA)
