Бројот на случаи во САД речиси се удвои во 2021 година од 756 на 1 471, се вели во извештајот на ЦДЦ. Повеќето од тестираните случаи биле имуни на лековите. Многу од пациентите се во болниците и во старечките домови
Смртоносна габична инфекција со кандида аурис (candida auris) која тешко се лекува, се шири со „алармантна“ брзина, соопшти американскиот Центар за контрола и превенција на болести (ЦДЦ). Сепак, нагласуваат оттаму, здравите луѓе не се во животна опасност. Оние со послаб имунолошки систем и оние што користат респиратори и катетери може сериозно да се разболат или да умрат.
Бројот на случаи во САД речиси се удвои во 2021 година од 756 на 1 471, се вели во извештајот на ЦДЦ. Повеќето од тестираните случаи биле имуни на лековите. Многу од пациентите се во болниците и во старечките домови.
„Еден од тројца пациенти со оваа инвазивна инфекција умира, но тешко е да се процени каква улога има инфекцијата со кандида аурис во смртноста кај ранливите пациенти“,
рече д-р Меган Лајман, главен автор на извештајот.
Инфекцијата првпат беше пријавена во САД во 2016 година. Најбрзо зголемување на случаите беше од 2020 до 2021 година, според податоците на ЦДЦ. Научниците се загрижени бидејќи заедно со зголемувањето на случаите, забележана е и имуност на лековите кои се користат за лекување на овој тип на инфекција.
Се наведува дека состојбата е влошена од пандемијата, а зголемување на заболените од кандида аурис се бележи и во други земји.
Извор: 360stepeni.mk
