Амбасадорката на САД во Македонија, Анџела Агелер денеска во просториите на Црвен крст на Република Македонија ќе изврши примопредавање на мобилно оперативно возило.
Како што соопштија од Црвениот крст на РМ, освен амбасадорката Агелер и генералниот секретар на Црвениот крст на РМ, Саит Саити на настанот се очекува да присуствуваат и други гости, кои ќе имаат можност да ја забележат важноста на оваа донација и да добијат повеќе информации за новата опрема и нејзината употреба во хуманитарните мисији.
– Новото мобилно оперативно возило во нашата служба, ќе се користи за поддршка на теренските активности и ќе овозможи подобрена реакција на потребите на нашите граѓани и заедницата. Се очекува ова возило да игра важна улога во зајакнувањето на капацитетите на Црвениот крст, особено во кризни ситуации и за време на природни катастрофи, се вели во соопштението од Црвениот крст на РМ.
ИЗВОР: kurir.mk
