Фармацевтската компанија „Aлкалоид“ по вторпат е прогласена за победник во категоријата најатрактивен работодавач, односно најпосакувана македонска компанија за работа за 2023 година.
Од компанијата велат дека за една успешна и амбициозна фирма, огромен предизвик е да се одржат високото ниво на организациска култура, фокусот на резултати и високото ниво на етички вредности.
„Ова е награда на 3.000 семејства кои работат во ’Алкалоид’ во Македонија и подружниците во странство. Признание за целиот оној труд, знаење и вештини кои се вградени во секој наш производ и во секој наш процес во изминатите 88 години постоење“, вели генералниот директор на „Алкалоид“, Живко Мукаетов.
Извор: 24vesti.mk
