Законот за јавни службеници е реформски оти нашата држава треба да биде во линија со европските вредности. Државата треба да има слика за јавната администрација за да може да ги опслужува граѓаните и стопанството. Јас сум 11 месеци во министерството и во овој период барав работите да бидат инклузивни. Законот е објавен на ЕНЕР, по што добивме многу забелешки од граѓани, невладини организации итн. кои ги синхронизиравме откако разговаравме со нив. Законите се креирани со поддршка од Европската комисија и локални експерти. Јас лично барав за овие закони да бидат информирани сите политички партии, а меѓу нив имаше и припаднил од ВМРО-ДПМНЕ како дел од работната група. На сите политички партии законот им беше пратен по мејл, а јас како минситер се сретнав со сите. Затоа инсистиран да не се оддолжуваат овие закони оти тие се битни за граѓаните, вели Азир Алиу, министер во МИОА во емисијата 24 анализа на ТВ 24.
– И јас и Стефан се бориме за менување на условите во општеството и затоа треба да пробаме да бидеме различни од другите политичари поради кои бегаат нашите деца. Што се однесува до полагањето на албански јазик тоа што го вели Андоновски е политички. Полагањето се одвива во два дела. И сега тестот е на албански јазик, оти тие студенти што завршиле на албански факултети може да имаат проблеми со македонскиот јазик, вели министерот Алиу.
Министерот вели дека интервјуто за кандидатите се одвива на македонски јазик и дека според него треба да се ценат вредностите на кандидатот а не на кој јазик зборува. Алиу додава дека така може да се утврди дали кандидатот има базични знаења на македонскиот јазик.
– Замислете студент на Штулов университет со просек 10, кој учел на албански јазик и термините ги знае на албански јазик, тој ќе биде попречен да влезе во државна администрација ако го плага тестот на македонски јазик. Тој кога ќе влезе во институцијата за десет дена ќе ја научи терминологијата на македонски. Така ќе пропуштиме стучњак, вели Алиу.
Извор: 24vesti.mk
