Семејството Кардинале брзо забележало дека нивната ќерка не личи ниту на таткото, ниту на мајката. Станале сомнителни, но не можеле ни да сонуваат каква болна реалност ќе покажат резултатите. Многу солзи, многу прашања, но животот на крај сепак им се оддолжил за сета неправда што ја почувствувале.
Александар и Дафна Кардинале во 2019 година добиле ќерка, која ја нарекле Меј, не знаејќи дека всушност го одгледувале детето на друг пар. Месеците ја сметале за своја, сè додека ДНК тест не открил дека нивните ембриони биле заменети со ембриони од друг пар.
Во исто време, другиот пар ја одгледувал биолошката ќерка на семејството Кардинале, Зои, како своја. Кога ДНК тестовите го потврдиле вистинското потекло на децата, семејствата одлучиле да ги заменат ќерките за секое дете да биде со своите биолошки родители, пренесува „Дејли Мејл“.
Фото: Принтскрин/ Youtube Kate Knows
Блиска врска по замената
Од замената наваму, семејствата, кои живеат на само десет минути растојание, останале во блиска врска. Сега се сметаат за „споено семејство“, а родителските надлежности ги делат сите четворица над двете деца, бидејќи двата пара сакале да останат дел од животот на наследничките кои ги одгледувале во првите месеци од нивниот живот.
„Никој не може да ви даде совет за ваква ситуација. На крај едноставно се собравме, ние четворицата, и вистински благослов е што сите имаме ист став. Оттогаш секоја празнична прослава и роденден ги поминуваме заедно. Станавме едно семејство“, рекол Александар.
Девојчињата оделе во исто градинка и посетувале часови по балет за да поминуваат повеќе време заедно. Денес организираат чести заеднички игри, а семејствата дури формално го обележале своето заедништво со церемонија предводена од истиот пастор кој ги венчал Александар и Дафна.
Сомнеж за замена на децата
Семејството Кардинале инаку побарало ДНК тест откако посомневале дека нивната новородена ќерка не личи ниту на еден од родителите. Кога тестовите ги потврдиле нивните сомнежи, се обратиле на клиниката преку адвокат. Клиниката потоа стапила во контакт со другиот пар.
По неколку тешки средби, паровите одлучиле дека е исправно да ги заменат ќерките за секое дете да биде со своите биолошки родители.
Семејството Кардинале на крај поднело тужба против клиниката за вонматерична оплодување, наведувајќи медицинска негрижа, повреда на договор и невнимание. Случајот бил решен со вонсудско порамнување во 2022 година, за да се избегне нивната постара ќерка Оливија да мора да сведочи.
Деталите од порамнувањето не се објавени, но адвокатот на клиниката за „Њујорк Тајмс“ изјавил дека страните се „пријателски договор“, пренесува Блиц Жена.
iframe src=”https://www.facebook.com/plugins/post.php?href=https%3A%2F%2Fwww.facebook.com%2Fphoto.php%3Ffbid%3D10213433908077909%26set%3Da.10203512994701275%26type%3D3&show_text=true&width=500″ width=”500″ height=”601″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”>
Извор: vecer.mk
