Ал Наср оваа зима ги изненади своите навивачи, меѓутоа и сите во спортскиот свет, бидејќи го доведе Кристијано Роналдо. Еден од најдобрите фудбалери во историјата на фудбалот се пресели во Саудиска Арабија, откако имаше недостиг на опции во Европа.
Иако за Португалецот ќе даваат неверојатни суми за плата и бонуси, Саудијците не запираат тука. Сега следна мета на Ал Наср е најскапиот играч во историјата на Реал Мадрид, Еден Азар. Белгиецот долго не игра на посакуваното ниво, меѓутоа на тимот од Саудиска Арабија би му бил огромно засилување.
Тренер на Ал Наср во моментов е Руди Гарсија, кој му е добро познат на Азар од времето во Лил. Доколку Саудијците тргнат со понуда до Реал за белгијското крило, големи се шансите сите заинтересирани страни да прифатат.
ИЗВОР: kurir.mk
