реклама
Подготвени сме да поднесеме кривична пријава против сите кои не го почитуваат законот. Вака пред Уставниот суд изјави претседателот на ПЕРП Самка Ибраимовски, каде заедно со организаторите на протестот „Стоп за извршителите“ поднесоа аргументи за уставноста на измените на законот за облигациони односи, поточно дел кој се занимава со застареност на предметите.
Активистката на „Но Пасаран“, Ана Глигорова истакна дека целта им е да ги бранат законските измени пред Уставниот суд, а ќе ги аргументираат со компаративна анализа. Таа нагласи дека доколку долгот е 1000 денари, каматата не треба да биде поголема од оваа сума.
Здруженијата „Луѓето пред заработката“, „Но пасаран“, ПЕРП и КОСМ беа организатори на протестот „Стоп за извршители“ пред два дена. Согласно Законот за облигациони односи, предвидени се измени во член 2 каде што е утврдено дека извршната постапка може да се спроведе во рок од 10 години од денот на поднесувањето на барањето за извршување, а по овој рок, со ретроактивно дејство, предметот застарува.
реклама
реклама
