Во рамките на владината кампања „Помалку трошоци, повеќе за тебе – Се грижиме!“, која стартува денес, Пазарниот инспекторат спроведува контроли во маркетите низ Македонија. Целта е мониторинг на цените на производите од „Новогодишната кошница“, кои се намалени за 10%.
„Цените на овие производи се проверуваат според Законот за заштита на потрошувачите и Законот за трговија, споредувајќи ги со најниските цени од последните 30 дена,“ информира Инспекторатот.
Кампањата ќе трае до 15 јануари 2025 година, а на листата се над 800 прехранбени производи, достапна на www.mojakosnica.mk. Очекувањата се бројот на производи да надмине 1 000.
Граѓаните можат да пријават неправилности на бројот 191 или преку сајтот www.dpi.gov.mk.
ИЗВОР: racin.mk
