Акар: „Околу 42.000 Сиријци од Туркије доброволно си заминаа дома по земјотресите“

АНКАРА (АА) – Турскиот министер за одбрана, Хулуси Акар, денес изјави дека околу 42.000 Сиријци што престојувале во Туркије се вратиле во нивната матична земја преку граница по земјотресите на 6 февруари со епицентар во јужните турски региони, јавува Анадолу.

Говорејќи во областа Хатај, која беше погодена од земјотресот, Акар ги отфрли тврдењата дека постои прилив на сириски бегалци во Туркије преку нејзината јужна граница, и ги нарече невистинити.

Акар истакна дека многу сириски жители кои живеат во Туркије се враќаат во својата земја поради загубата на нивните домови и роднини.

Земјотресите со јачина од 7,7 и 7,6 степени беа со епицентар во Кахраманмараш и погодија уште 10 други области – Адана, Адијаман, Дијарбакир, Елазиг, Хатај, Газиантеп, Килис, Малатија, Османије и Шанлиурфа. Од разорните земјотреси беа погодени над 13 милиони луѓе.

Делови од северозападна Сирија исто така беа погодени од земјотресите, со човечки жртви и материјална штета.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).