АКАДЕМИК ЌУЛАВКОВА ЈА ДОБИ НАГРАДАТА „БРАЌА МИЛАДИНОВЦИ“ ЗА НАЈДОБРА ПОЕЗИЈА МЕЃУ ДВЕ ИЗДАНИЈА НА СТРУШКИТЕ ВЕЧЕРИ

August 1, 2024
1 min read

Поетесата и академик Катица Ќулавкова е добитничка на наградата „Браќа Миладиновци“, што се доделува од Струшките вечери на поезијата (СВП) за најдобра поетска збирка помеѓу две фестивалски изданија, соопшти денес Фесивалот.

Ќулавкова е наградена за нејзината поетска збирка „Небото ми е дома“ (Духовна поезија) во издание на Струмичка православна епархија. Таа по вторпат е добитничка на ова највисоко признание, откако во 1989  ја доби „Браќа Миладиновци“ за стихозбирката „Жедби“.

Одлуката ја донесе жири-комисијата во состав: Ефтим Клетников (претседател), Весна Ацевска, Глигор Стојковски, Александра Јуруковска и Дарин Ангеловски (членови). На конкурсот пристигнале 53 книги и во потесен круг од пет книги влегоа и збирките:  „Грозје од кукавица“ од Славе Ѓорго Димоски (издание на ПНВ публикации), „Килибар и младост“ од Гордана Михаилова-Бошнакоска (издание на Макавеј), „Додека спиеш“ од Биљана Стојановска (издание на „Чудна Шума“) и „50 испеани приказни“ од Александар Русјаков (издание на „Три“).

„Најновата стихозбирка на Катица Ќулавкова ‘Небото ми е дома’ се протега во еден специфичен поетски ареал, од авторката определен како простор на духовна поезија, која е заснована на експресивна трансмисија на набожни чувства и мисли во стихови, користејќи притоа низа поетски средства како што се митските слики, симболите, реминисценциите, алегориите, метафорите и метонимиите, па и користење на одломки од најзначајни сакрални интертекстови, поезија која воедно се потпира и на ритамот, алитерации и асонанции и на други јазични игри и фигури кои го зајакнуваат нејзиниот севкупен естетски интензитет“, стои во одлуката.

Ќулавкова, поетеса, есеистка, теоретичарка на книжевноста, од 2003 е редовна членка на Македонската академија на науките и уметностите (МАНУ), членка на Европската академија на науките и уметностите (Салцбург) и потпретседателка на Меѓународниот ПЕН. Била универзитетска професорка по теорија на книжевноста на државниот универзитет „Св. Кирил и Методиј“ во Скопје. Има објавено 16 книги поезија на македонски, 18 преводи на нејзината поезија (англиски, француски, турски, италијански, хрватски, романски, португалски, руски, словенечки, бугарски, српски и други), две збирки куса фикција и една поетска драма, како и над триесет хрестоматии, антологии, критички изданија и друго. Има преведено есеи, поезија и книги од француски на македонски јазик .

Струшките вечери на поезијата оваа година ќе се одржат од 22 до 26 август.

Б. НЕСТОРОСКА

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Преку Убер, Европа ќе се полни со кинески електрични коли

Следно

Размена на затвореници меѓу Русија, САД и други земји

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop