Сме биле покрај Македонците во најразлични ситуации и ќе останеме, но не прифаќаме тие да бидат аги, а ние да бидеме слуги, порача, лидерот на ДУИ, Али Ахмети, во своето обраќање на вечерашниот традиционален новогодишен прием на партијата.
Лидерот на ДУИ се осврна и на меѓутничките односи во државата, потенцирајќи дека тие се клучни за иднината на земјата, а дека благодарение на Охридскиот мировен договор се прекинати трагедиите и е отворен патот на дијалогот и мирот.
Да се ризикува овој договор, додаде Ахмети, значи да се враќаме назад. Предупреди, дека ќе има невиден отпор со секој обид за промена на законот за јазиците. Во оваа смисла кажа дека не сакаат конфликт туку влез во Европската унија.
Извор: 24vesti.mk
