Претседателот на Синдикатот на Фондот на здравствено осигурување, Бранко Аџигогов, најави дека денеска во 12 часот по шести пат ќе се одлучува што ќе се случува со нивната плата. До ова доаѓа откако Владата на седница одржана на 9 јануари 2024 година, донела Заклучок со која му препорачува на Управниот одбор на ФЗОМ да ги намали платите на вработените и тоа во висина од 21 процент.
Претседателот Аџигогов на својот Фејбук профил глевно објасни што се тие работат додека се размислува за намалување на нивната плата. Притоа откри и дека не се префрлени пари за задравствено осигурување за пензионерите и за невработените.
-Знаат ли што воопшто работиме во ФЗО или гајле им е? Во моментов вештачки на пензионерите и невработените им чуваме осигурување, од Нова година немаат. Тоа значи нема рецепти за лекови, упати за прегледи. Поради неплатени придонеси за нив, од шупље у празно, вработените прават гимнастика, само да се пуштат плати за јавно здравство, капитација за примарно, буџети за приватно, лекови во аптеки. Да се овозможи колку толку рефундација на лек, да се платат боледувања и породилно.Па се мисли ли трезвено во државава, утре нема тоа да го прават и… Да крахира здравство. Најстрашно е што имаме пари и историски најголем буџет по сите параметри имаме. Се е тоа пари од придонес за здравствено.. не бараме ништо ни од патишта ни од гориво ни од царини ни од ДДВ.. Психолошка тортура вработените имаат од почетокот на годината, работат цел месец а не знаат дали ќе си ја земат платата или ќе им се намали 21 отсто, напиша во објавата првиот синдикалец во ФЗО Аџигогов.
Извор: skopskoeho.mk
