Новинарот Мирче Адамчевски, во 24 анализа рече дека средбата меѓу Русија и САД не била за Украина туку за да се реанимираат односите меѓу двете држави. Според него, иако во преговорите ќе бидат вметнати и Украина и Европа сепак поважно е да се врати довербата меѓу двете држави.
„Средбата беше меѓу САД и Русија и таму на дневен ред не беше Украина туку беше да се реанимираат односите. Ние сме сведоци на менување на Американсаката политика за 180 степени. Ако се вратиме назад Советскиот Сојуз беше непријател на САД и по паѓањето на Берлинскиот ѕид дојде до затоплување но потоа односите повторно да се заладуваат, се додека да додје трамп. Сега прашање е да се врати довербата меѓу двете сили“, рече Адамчевски.
Тој објасни дека врз Трамп не може да се направи притисок па затоа потребно е прво да се врати довербата меѓу двете држави.
„Да се наполнат амбасадите, да има луѓе кои ќе работат, да се направат групи за работа. Изјавата на Трамп е рекација на искажувањата на Зеленски кој мислам дека избрзано реагираше дека не бил во Ријад. Во преговорите ќе бидат викнати и Европа и Украина но прво сакаат да си ги средат односите. Тие можеби нафрлиле точки за Украина но ништо не е решено“, изјави Адамчевски.
Извор: 24vesti.mk
