Од Алијанса за Албанците попладнево реагираат по повод разрешувањето на Бесник Емини.
Како што велат, тој од позицијата Командант на Командата за операции, се разрешува, деградира и понижува, поставувајќи го на административна позиција во Министерството за одбрана.
„По деалбанизацијата на Агенцијата за разузнавање – каде што веќе ниту директорот, ниту заменикот не се Албанци -, по деалбанизацијата на Агенцијата за национална безбедност – каде што веќе ниту директорот, ниту заменикот не се Албанци –, и по деалбанизацијата на Воената служба за разузнавање и безбедност – каде што веќе ниту директорот, ниту некој од тројцата помошници не е Албанец –, како и откако беше заобиколена постапката за именување на албански генерал на чело на АРМ, денес Претседателката – која неВРЕДИ – им нанесе тежок удар на Албанците во Армијата на Македонија, деградирајќи ги.
Генералот Бесник Емини, од позицијата Командант на Командата за операции (од оваа позиција директно командуваше со околу 80% од армијата), се разрешува, деградира и понижува, поставувајќи го на административна позиција во Министерството за одбрана.
Четири позиции се реално најважни во армијата:
• Началник на Генералштабот,
• Командант на Командата за операции,
• Командант на Првата бригада,
• И Директор на Генералштабот.
За да го прикријат овој масакар, го поставија генерал Лулзим Нуредини на позицијата Командант на Командата за обука и доктрина (позиција која нема значајна улога).
Она што денес се случи е масакар и целосно понижување на Албанците во армијата“, велат од АА.
ИЗВОР: ТВ 21
