Властите на Саун Себастијао велат дека според прогнозата се очекува до петок во регионот повторно да има обилни врнежи и предупредуваат на нови опасности од лизгање на земјиштето и поплави
Бројот на жртвите од обилните дождови што ги опустошија крајбрежните области на југоисточната бразилска држава Саун Пауло се искачи на 46.
Обилните дождови за време на викендот предизвикаа лизгање на земјиштето и поплави, кои оставија речиси 2 500 луѓе сè уште раселени или без покрив над главата, се вели во соопштението на владата на државата Саун Пауло во кое се додава дека спасувачките напори се во тек.
Градот Саун Себастијао го сноси најголемиот дел од човечките жртви, со пријавени 45 смртни случаи.
Властите на Саун Себастијао велат дека според прогнозата се очекува до петок во регионот повторно да има обилни врнежи и предупредуваат на нови опасности од лизгање на земјиштето и поплави.
Од викендот крајбрежниот регион на најбогатата држава во земјата е погоден од обилни врнежи од дожд.
Гувернерот на државата Саун Пауло, Тарцисио де Фреитас, рече дека морнарицата ќе изгради теренска болница за жртвите.
Саун Пауло прогласи вонредна состојба од 180 дена во шест градa во државата: Саун Себастијао, Карагуататуба, Илхабела, Убатуба, Гуаруја и Бертиога.
ИЗВОР: 360stepeni.mk
