Oхрид се подготвува за празникот Водици.Пет тимови на спасители на вода од Црвениот крст, шест медицински тимови, нуркачки екипи и гранична полиција ќе се грижат за безбедноста на капачите кои и оваа година ќе ги има во голем број.Температурата на водата во Охридското Езеро е 9 степени целзиусови ,а на воздухот се очекува да се искачи до 7 степени.
На ден пред празникот Богојавление Водици во сабота на пункт на Црвениот крст медицински тимови ќе вршат основни здравствени прегледи на капачите. Се апелира до сите нив да ја проверат својата здравствена состојба пред да запливаат во студените води на езерото.
Празникот Водици во Охрид ќе биде одбележан со црковни обичаи, а општината организира и богата културна програма.Чесниот крст во Охридското Езеро ќе го положи архиепископот на Македонската православна црква (МПЦ-ОА), г.г. Стефан. Од општината најавуваат масовна посетеност на настанот од домашни и странски гости, а од туристичкиот сектор информираат дека имаат солидна исполнетост на сместувачките капацитети.
Извор: 24vesti.mk
