ИСТАНБУЛ (АА) – Петмесечна горила е пронајдена на аеродромот „Истанбул“ во пратка од Нигерија во авион што преку Истанбул летал до Тајланд минатиот месец, јавува Анадолу.
Младенчето, кое е под постојан надзор, е пронајдено од тимовите за спроведување на царинските закони на Министерството за трговија на Туркије на аеродромот „Истанбул“.
Горилата е најдена во декември минатата година, при обид да се шверцува од Нигерија.
По спасувањето младенчето горила му е предадено на Министерството за земјоделство и шумарство, кое го презеде целиот процес за грижа и рехабилитација.
Во овој период Министерството спроведе анкета на социјалните мрежи за име на младенчето и беше избрано името „Зејтин“ (маслинка на турски јазик).
На фотографиите направени од фоторепортерот на Анадолу може да се види како горилата се храни со шишенце.
Министерството објави фотографија од горилата со порака: „Не грижете се, пријатели, добро сум.“
Исто така, даде информации за здравјето на горилата, велејќи дека младенчето е во стабилна состојба и сѐ уште е под опсервација и нега.
Извор: Anadolu Agency (AA)
