Лансиран првиот сателит на турската компанија „Фергани“, ФГН-100-д1

ИСТАНБУЛ (АА) – Првиот сателит на турската компанија „Фергани Спејс“, ФГН-100-д1 (FGN-100-d1), е лансиран вечерва од американската вселенска база „Вандерберг“, јавува Анадолу.

Сателитот на компанијата, чиј висок раководител е Селчук Бајрактар, претседател на управата на производителот на дронови „Бајкар“, е лансиран со ракетата „Фалкон 9“ од американската компанија СпејсИкс.

Мисијата Транспортер-12, лансирана од базата „Ванденберг“ во Соединетите Американски Држави (САД), превезува 131 парче товар, меѓу кои микросателити и орбитални возила, како и првиот сателит на „Фергани Спејс“, ФГН-100-д1, како и сателити на План-Ес (Plan-S), една од турските компании за вселенска технологија.

Снимката од успешната мисија Транспортер-12 е емитувана во живо на профилот на СпејсИкс на платформата X.

Пробното стартување на вселенскиот мотор на сателитот Фергани беше успешно завршено во мај минатата година.

Селчук Бајрактар ​​изјави дека ја основале Фергани за да изградат глобален систем за позиционирање составен од серија сателити.

„Фергани Спејс“ има за цел да се претстави пред светот со производство на одржливи и исплатливи решенија за вселенски транспорт и сателитски услуги во ниската орбита со иновативните и оригинални технологии кои ги развива.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.