Портпаролот на Владата и членот на извршниот комитет на ВМРО-ДПМНЕ, Марија Митева, за Аргумент плус, рече дека третиот и четвртиот квартал е завршен со 3% економски раст во споредба со 2023 година, кога растот бил само 1%.
„За шест месеци Влада имаме навистина еден друг импулс кој што доаѓа од другиот начин на третирање на економијата во целина, односно од начинот на кој што ние ја гледаме економијата. А тоа е зголемен број на инвестиции, нешто што во минатото многу недостасуваше и многу беше зборувано од луѓето кои што работат во бизнис секторот и кои што ги засега делот со инвестициите“, рече Марија.
Таа додаде и дека Владата формирала и економско-социјален совет во кој што ги вклучиле сите засегнати страни во делот на економијата. Целта на советот е да се развие дијалог преку донесување на заедничка одлука зад кој Владата треба да застане.
Извор: 24vesti.mk
