Зоран Милановиќ, e новиот стар претседател на Хрватска, покажуваат резултатите од вториот круг на претседателските избори кои се одржаа вчера, и со добиени 75% од гласовите го прегази противничкиот кандидат од ладеачката ХДЗ Драган Приморац кој доби само 25% од гласовите.
Милановиќ во својот победнички говор рече дека победата во вториот круг од претседателските избори ја гледа како признание за досегашната негова работа и додаде дека и подава рака на Владата.
– Ова е голем ден за мене, оваа победа ја гледам како признание и одобрување на мојата работа, Ова е плебисцитарна порака на хрватскиот народ до сите што треба да ја слушнат. – Зоран Милановиќ, Претседател на Хрватска.
Приморац во својот говор не му честиташе на Милановиќ, а подоцна во изјава за новинарите премиерот Андреј Пленковиќ одби да го стори тоа, нарекувајќи го Милановиќ повторно „прекршител на Уставот“.
– Јас и Зоран Милановиќ споделуваме сосема различни духовни, морални, професионални вредности и размислувања за иднината на нашата татковина. Одлуката ја донесоа граѓаните и треба да се почитува. – Драган Приморац, Претседателски кандидат на ХДЗ.
Зоран Милановиќ доби повеќе гласови од кандидатот на ХДЗ Драган Приморац во сите хрватски жупании. Во пет окрузи тој доби поддршка од повеќе од 80 проценти. Интересно е што на едно место во Шибеничко-книнската жупанија тој доби сто проценти од гласовите. Ова е градот Чивљане, каде ги доби сите 37 гласа. Кандидатот на ХДЗ подршка доби само од хрватската дијаспора. Асошиетед прес и Си-Ен-Ен во објавата за победата на Милановиќ го нарекоа опозициски критичар на Европската унија и НАТО.
Извор: 24vesti.mk
